大橘子

香港開唱!!! 農夫踩Twins尾場︰我哋太愛Twins先入英皇

擦鞋高高手 農夫踩Twins尾場︰我哋太愛Twins先入英皇

Twins演唱會尾場請到農夫做嘉賓,兩子仲當阿Sa阿嬌好似女皇咁尊敬。

出道十五年嘅Twins自2012年完成《人人彈起世界巡迴演唱會》後,今年再踏上紅館舞台舉行《Twins LOL Live in HK》,阿Sa唔知係咪太耐冇喺香港開騷有啲緊張,呢幾日網上瘋傳「然後買襪買衫可以做風紀」嘅爆笑片段。

擦鞋高高手 農夫踩Twins尾場︰我哋太愛Twins先入英皇

絲打容兒同YY。

擦鞋高高手 農夫踩Twins尾場︰我哋太愛Twins先入英皇

啱啱出席完李蘊婚禮嘅超蓮BB。

擦鞋高高手 農夫踩Twins尾場︰我哋太愛Twins先入英皇


攬攬Yumiko。

擦鞋高高手 農夫踩Twins尾場︰我哋太愛Twins先入英皇

好多好多好多圈中人。

擦鞋高高手 農夫踩Twins尾場︰我哋太愛Twins先入英皇

仲有克勤伉儷。

一連五場演唱會話咁快又到最後一晚,今晚好多圈中人現身支持孖妹,名單真係水蛇春咁長:老闆楊生楊太、好姊妹容祖兒、周麗淇、黃偉文、林峯、女友千語BB、李克勤、阮兆祥、仲有啱啱喺海南島出席完李蘊婚禮嘅超蓮BB(之前已經睇過一晚喇),祖兒仲企足全場high到唔願坐低。

擦鞋高高手 農夫踩Twins尾場︰我哋太愛Twins先入英皇

農夫自爆係Twins粉絲喎!

而演唱會中段唱到〈士多啤梨蘋果橙〉時,嘉賓農夫突然現身rap埋一份,請得佢哋嚟當然預咗大放笑彈,33歲嘅陸永就話:「我唔會好似C AllStar講嗰啲,乜嘢十五歲開始聽你(啲歌),唔會唔會,我五歲就聽你哋㗎喇(其實阿Sa仲細佢半年),不過嗰陣時我已經大學畢業喇你放心。」之後仲跪低幫阿嬌整理裙尾,做人爸爸真係好識得照顧女仔。

農夫又喺台上不斷強調係Twins嘅一號fans:「我哋攞咗我最喜愛組合,贏咗Twins,第二日啲報紙就寫,『農夫擊敗Twins奪得我最喜愛組合』,而同時間好多人上網寫衰我哋,我有理由懷疑嗰班人今日都坐曬喺度,即係你哋啦,我話你哋知,我經歷咗咁多年,乜嘢風浪我未見過,依家我唔驚㗎喇!你哋啲Twins嘅fans呀,我同你講呀……對唔住呀(跪低),嗰個獎唔關我事㗎,啲人投㗎咋,嗰時我哋好多親戚,依家佢哋唔喺度喇。我哋真係好鍾意Twins㗎,其他嘉賓扮大牌,要英皇打去求佢哋做嘉賓,我哋唔同,我哋係自己打畀英皇,求嚇你畀我做Twins嘉賓啦!」


當正對方係女皇一樣,仲著埋佢哋嘅演唱會T-shirt上台,又挑觀眾機:「你哋一定冇我哋咁鍾意,我哋鍾意Twins鍾意到入咗英皇呀!你有冇入過吖?」冧到女又冧到公司,一箭雙鵰,認真係高手高手高高手!

擦鞋高高手 農夫踩Twins尾場︰我哋太愛Twins先入英皇

寶刀未老。

 

來源:facepop.nextmedia.com

搶先收到最新的有趣新聞!快按讚!




按個讚吧~接收更多