坦白講，我唔覺得港男係咁差, 其實好多香港男仔都好錫女朋友!!!!
sponsored 講白啲, 根本係借用呢個term令香港人成個族群俾人感覺「低劣」嘅。呢兩年我先至醒覺, 因為呢啲批評完全貼合中國嘅政府宣傳..... 即係話香港人係「廢青」, 「香港多剩女」,「香港男人配唔起本地女人」,「本地女人眼角過高唔夠低要求嘅中國女人爭所以無男人要」, 而導至男女不衡咁啦......令女人被屈之餘, 順便踩本地男人幾腳。 結果係俾人認為「所以香港嘅男人同女人都係低質素」嘅意思, 對本地男人一樣冇著數。 最慘嘅係乜？係事實上有好多香港男女好受落呢種批評鬧人, (係,女仔都有份, 咁ladies first我鬧左女仔先) ，一見報道話「港女」做柒事, 就急不及待咁share。女仔係因為驚俾人話係港女, 所以會自動加一腳, 以顯示自己唔係呢種「又唔靚又冇條件, 但係要求又高, 又貪錢嘅女人」..........結果就好似中國嘅文革咁, 即使你唔認同被批鬥嘅女仔係咁有問題, 你都要企埋響紅衛兵嘅一方去幫手批鬥, 自己先至免於受害。但係咁樣助長呢種風氣, 自己其實都可以係下一個受害者, 甚至害埋成個族群。無信心嘅女仔或者軟弱嘅女仔就會做埋幫兇, 香港其實係朝緊呢個方向去!!!! 好, 話完女, 話男！ sponsored 比最慘更慘係乜？就係香港真係有好多男仔, 好鍾意分享呢類鬧「港女」嘅「趣聞」....... （一）有部份男仔真係識唔到女仔, 又或者想人覺得佢地係有品味, 只會接受高質美女，就會有呢種扭曲心態鍾意鬧本土女人；（二）有好多香港男人娶左中國女人, 就會好自然咁俾佢地洗腦, 話香港女人差..........原因係佢地想話人知「因為香港女仔唔掂, 所以我先去中國搵咋, 佢地依家好高質！」，踩低左本地女人就可以大條道理去中國搵老婆....... 講到尾都係條件差嘅男人先會去中國搵老婆, 要搵個好睇嘅理由, 所以可以犧牲乜鬼民族大義狂屌自己地方嘅異性。如果唔係, 我絕對讚成佢哋去溝個日本妹或者鬼妹返嚟。咩人會娶中國女人啫。（題外話：溝到鬼妹鬼仔唔係對自己人差嘅理由）但係就因為呢班人, 不停幫手話自己地方嘅女人有幾差, 令到呢啲講法好多人信......最後外人係覺得你呢個地方(香港)男同女都唔掂, 咁就幫中國「進步青年」進駐香港增加理由, 你話幾慘。自悲嘅男女抵死,但係你哋累到成個香港嘅男女都要陪葬呀!!! 香港係香港人幫手殺死㗎。 sponsored 個人唔覺得港男係咁差, 其實好多香港男仔都好錫女朋友, 有學識有禮貎, 而且比起好多亞洲國家嘅男性, 港男都算好有風度(呢個真係好緊要㗎!) 男仔單身唔一定係自身有問題, 係傳媒利用呢啲論調想sale節目/plan啫。最仆街其實係咩戀愛教師同埋介紹所。 而我自己識嘅女仔好少好似呢啲報道講到咁差 .....當然貪錢嘅八婆事實上係好似7-11咁梗有一件喺左近, 不過我估貪錢呢件事真係跨時代兼世界性, 由古代鬧到依家, 做乜好似係呢個世代香港獨家別注版咁啫。而且大部份香港女人係自己名牌自己買, （有人送同埋要人送係兩件事囉）, 事實上亦有好多女仔同男朋友一齊供樓或者夾份交租........ sponsored 港女可能真係感覺上粗聲粗氣啲, 但港女其實係有義氣, 個男嘅如果有咩事收入少左會同佢一齊捱, 見幾個姊妹都係咁。俾著中國女人, 晨早搵個第二個碼頭啦。 我咁大感觸寫呢篇嘢, 係因為見到有中國網站話香港女仔去工作假期其實係賣淫.....係中國女人賣淫唔係港女囉唔該!!! 居然見到好多香港男性朋友share!!!!! 咁原來佢個題目又用「港女」, 仲講到去工作假期嘅青年好似係為左去賣淫咁, 要賣淫香港都有得賣, 使乜飛去澳紐賣.....真係好仆街囉, 有啲人家境唔算好,去唔到外國讀書想去攞啲外國生活同埋工作經驗, 都要被你哋講到好似飛去做雞咁!!!!仲利用埋「港女食洋腸」呢啲令男人大中華沙文主義火滾嘅角度去寫, 班香港人咪又中招互屌, 無良心嘅報章為咗賣紙, 專寫埋啲咩「港女老蘭鬼佬公廁」, 而港男唔去維護返自己地方嘅女人, 反而踩多腳, 真係共產黨最開心。 sponsored 篇屈香港女仔去賣淫嘅嘢係作文居多, 但係實有人信, 最慘嘅係有港男會開心share. 而事係係呢種作文, 根本係抹黑緊香港人成個族群, 唔係剩係女仔。 睇完篇嘢唔會幫佢哋增加hit rate, 只係想提醒嚇香港人唔好亂鳩咁share呢啲野!!! 真係害死人㗎!!! 仲有, 各位欣賞嚇你哋隔離左右嘅男女啦. 情人節未到, 但係先祝你哋快啲搵到個, 咁下個月就可以一齊過節! × 我已经赞过了！
收到更多像這樣的新聞，按個讚！
按個讚吧~接收更多